कवि एवं साहित्यकार दीनदयाल बन्दूणी की गढ़वाली गजल-कासी-कोत्वाळ
कासी-कोत्वाळ
कासि कु- कोत्वाळ बड़ि कन डरांद जिंदगी.
सयूं-सयूं धरु-धरु लिजै, कन रुलांद जिंदगी..
आज कु दिन-कनु कटे, भोळ की आस जगै,
झूटि आस – रास का झूला – झुलांद जिंदगी..
त्यारु-म्यारु- क्य जालु, इनि सब-मुकि जालु,
नौंनु कु प्यारु बच्पन, यथ-वथ डुलांद जिंदगी..
आज यख- भोऴ वख, पौंछै दींद कखा-कख,
चरखि का माफिक, गोऴ-गोऴ घुमांद जिंदगी..
ज्वनिम- रात-दिन नि देखी, नि देखू- घरबार,
आज- सोचम- पड़िक, भिंडि- झुरांद जिंदगी..
कब करेली-कब पुरेली, या- जिंदगी की दौड़,
क्यजि करण-कन्म करण, कन बखांद जिंदगी..
‘दीन’ जिंदगी-मतलवी च, हमबि मतलवी रवां,
क्य कन-यख-अफ थैं, अफी घलकांद जिंदगी..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
