शिक्षिका सरिता मैन्दोला की गढ़वाली कविता-मेरी मातृभाषा मेरी पछ्याण
मेरी मातृभाषा मेरी पछ्याण
म्यारा गढ़देशी भै बैण्यों,
टक लगैकी सूण ल्यावा।
हर्चणि च दूधबोली हमरी,
अपणी बोलि, भाषा बचावा।।
कनी मयळ्दी, भली रस्याण च,
गढ़-कुमौं बोली हमरी पछ्याण च।
आठ्वीं अनुसूची मा दूधबोली तैं ,
जरूर हमन पौंछाण च।।
हूंदी नीच क्वी बि शरम,
हमनी बचाण दूधै लाज।
अपणी बोली भाषा मा बच्याओ,
विनती करणूं छौं मी आज।।
हौरी भाषा बि बोली-चालि ल्या,
नीच यामां क्वी बि हर्ज।
उत्तराखंड की भाषा बचौण ,
हम सब्यूंक च यो फर्ज।।
हम छौं कुमौनी, जौनसारि, गढवळी,
या ही हमरी पछ्याण चा।
मातृभूमि बि आशीष द्याली,
मातृभाषा बचाण चा।।
कवयित्री का परिचय
नाम- सरिता मैन्दोला
सहायक अध्यापक, राजकीय उच्चतर प्राथमिक विद्यालय, गूमखाल, ब्लॉक द्वारीखाल, पौड़ी गढ़वाल, उत्तराखंड।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
भौत भलि रचना, प्रेरणादींणवलि बात, लाजवाब सोच.