पढ़िए, दीनदयाल बन्दूणी ‘दीन’ की गढ़वाली गजल- बगत सरकणूं च
बगत सरकणूं च
मठु – मठू करि बगत, सर्- सरकणूं च.
तवा म धरीं रोटि सि, फर्- फरकणूं च..
जैं बातन जबरि हूंण, वेन त उबरि हूंण.
सुवेर बटि सरग, सुधि नि घर्-घरकणूं च..
क्वी इनै बटि जांणू, क्वी उनै बटि जांणू.
कै नि पता को कनै बटि, छर्-छिरकणूं च..
सौ दैन-फिकर छन , जिंदगी म चल़णा.
बात पैथर ज्यू- ज्यान, झस्-झसकणूं च.
क्वी ये देखि- क्वी वे देखि, खांणू खार.
हर क्वी, भितरी-भितर मस्-मसकणूं च..
आजा समै , क्वी – कै मुख नि लगांदु.
आग़ल़-डाग़ल़ करि, खस्-खिसकणूं च..
‘दीन’ रगोड़ा-रगोड़, झकोड़ा-झकोड़ न कैर.
उनबि सरैल, दिन-ब-दिन चस्-चसकणूं च..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।
आज के समै फरि लिखीं गज़ल कन लग जरूर बतैं.
धन्यवाद??