दीनदयाल बन्दूणी ‘दीन’ की गढ़वाली गजल-सात फेरा
सात फेरा
शादि- ब्योम , पौंणा खुज्यांणा हुयां छीं.
चलि ल्यावा शादिम, मनांणा हुयां छीं..
ठकठ्याट रैंदु छौ, ब्यो- काज म जांड़ा कु,
आज सब निरदुंद पोड़ीं, घुच्यांणा हुयां छीं..
कनु लगणूं छूं, पुछदा छा एक- हैंकम रोज,
अब त लारा बि, अफथैं दिखांणा हुयां छीं..
दुन्या भरा खर्च कयूं, घोड़ी टैंट- बैंड फरी,
वापिस दींणा नौ फरि, अणसुणा हुयां छीं..
फिफ्टी-फिफ्टी लिमिट, दुछोड़ि ह्वे फिफ्टी,
को लिजांण-को छोड़ण , बिरांणा हुयां छीं..
शनिवार- ऐत्वारा ब्यो लगन, लग लौकडौन,
कनम बरात पैटांण , गोटि बिछांणा हुयां छीं..
कन ! संजोग बिगड़ , पोरु बटि ऐंसु तलक,
खतीं मोत्यूं माऴा जन, गठ्यांणा हुयां छीं..
‘दीन’ ! अबत बस, कनम बि काम निभि जा,
ब्योला-ब्योलिक, सात फेरा पुर्यांणा हुयां छीं..
कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।
Bhanu Bangwal
लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।
सात फेरो फरि कोरोना नियमों कु साया कन्या पड़, वे फरि मेरी रचना.