कवि एवं साहित्यकार दीनदयाल बन्दूणी की गढ़वाली गजल-नवदुर्गा

नवदुर्गा

नौ दिनौं म-माँ नवदुर्गा, सब्यूं उबारी दे.
बिघ्न- बाधा- सबकि हारी , माँ तारी दे..

सालम द्वी बार ऐकी, सब्का घर आंदी,
ज्यू भितर-जनिम्यां, बुरा बिचार मारी दे..

मैल – हमरा मनम भरिगे , वे – निकाऴ,
हमरा-यूं बुरा कर्मौं, मन से माँ-उतारी दे..

हमन त- सदनि बटि, झूटि- मूटि ब्वाल,
हमरि ईं-बुरि आदत, माँ-ऐकि सुधारी दे..

नौ दिनौ- नौ रूप धैरी , नै-बटु दिखांदी,
हम जनै- आंदि बिप्दा, माँ ऐकि-टारी दे..

नौना- बाऴा तेरा छां, पर- त्वे नि जांणीं,
हमरि खैरि-बिपत माँ, झट्ट ऐ- बिचारी दे..

‘दीन’ हमरि-गऴत्यूं बिचारी, यूँ- सुधारी,
जन्बि छूं-माँ तेरु छूं, भक्ति ज्यूम वारी दे..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website | + posts

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
वाट्सएप नंबर-9412055165
मेल आईडी-bhanubangwal@gmail.com
भानु बंगवाल, देहरादून, उत्तराखंड।

• महान समाज सुधारक, लोकसंस्कृति प्रेमी और जीवट आंदोलनकारी थे 'पहाड़ के गाँधी'
• समाज सुधारक और लोक संस्कृति के संवाहक रहे इन्द्रमणि बड़ोनी (24 दिसंबर जन्मदिवस पर विशेष)
• उत्तराखंड के गांधी स्व. इंद्रमणि बडोनी को समर्पित माधव सिंह नेगी की गढ़वाली कविता
• जन्मदिवस 24 दिसंबर पर विशेषः उत्तराखंड आंदोलन के प्रणेता स्व. इंद्रमणि बडोनी को समर्पित कविता-उत्तराखंड का गांधी