गढ़वाली साहित्यकार दीनदयाल बन्दूणी ‘दीन’ की गजल-बतावा

बतावा

बतावा य जड़ा- बड़ी , क्याकि हुयीं चा.
टोका-टोकि घड़ि-घड़ी, क्याकि हुयीं चा.

अपण – अपण बाटा, हिटड़ि द्या सब्यूं,
अगनै जांणा हड़ा-बड़ी, क्याकि हुयीं चा..

ठंडा पाके- मीठा होये, सुण्यूं त होलू,
बतावा या रड़ा- बड़ी, क्याकि हुयीं चा..

स्वरगा सीड़ि-नि लगि, अफ लगांण पोड़द,
बिगर बाता चड़ा – चड़ी, क्याकि हुयीं चा..

पेट भ्वना छवा, कि भ्वना छवा- तमलेट,
ब्वाला – य गड़ा – गड़ी, क्याकि हुयीं चा..

मठु- मठु करि ह्वे जालु, रा थीति- बीती,
तुमरि या – सड़ा- बड़ी, क्याकि हुयीं चा..

‘दीन’ ! ऋतु आंण फरि, फल बि आला,
अबि बटि- झड़ा-झड़ि , क्याकि हुयीं चा..

कवि का परिचय
नाम-दीनदयाल बन्दूणी ‘दीन’
गाँव-माला भैंसोड़ा, पट्टी सावली, जोगीमढ़ी, पौड़ी गढ़वाल।
वर्तमान निवास-शशिगार्डन, मयूर बिहार, दिल्ली।
दिल्ली सरकार की नौकरी से वर्ष 2016 में हुए सेवानिवृत।
साहित्य-सन् 1973 से कविता लेखन। कई कविता संग्रह प्रकाशित।

Bhanu Bangwal

Website

लोकसाक्ष्य पोर्टल पाठकों के सहयोग से चलाया जा रहा है। इसमें लेख, रचनाएं आमंत्रित हैं। शर्त है कि आपकी भेजी सामग्री पहले किसी सोशल मीडिया में न लगी हो। आप विज्ञापन व अन्य आर्थिक सहयोग भी कर सकते हैं।
मेल आईडी-bhanubangwal@gmail.com
भानु बंगवाल, देहरादून, उत्तराखंड।